盛夏的極光

雖然我家樓下廣告牌晚上很光，

但只要抬頭依然會望見滿天星星，

很美的。

上星期有一晚，睡覺前如常地望住星空發呆。

發現天空顏色同平時有啲唔同，星星亦比平時光；

所以我就攞部傻瓜機影咗一張相，

懶浪漫的要記下Helsinki嘅美麗星空。

 雖然我知唔係， 但我望見相中微弱的綠色光影… 

嘩！極光呀！

白痴的自己同自己yeah完一輪先瞓！

呢幾日睇Instagram, 

原來上星期連續幾晚喺Lapland都有強勁極光啊！

 (網上圖片)

住Helsinki的當然只可以羨慕+妒忌，

唯有氹自己嗰晚啲綠色光可能真係極光呀！

睇極光真係好講運氣， 

好多朋友冬天捱凍又捱夜都睇唔到，

8月去Lapland的又無端端晚晚有。

過去幾年冬天都plan去挪威睇，但每年都去唔成！
可能要唔好plan， 突然起行先得！

Occupy Helsinki

從來未試過咁update!!

今日市中心有遊行， 

好似因為反對削減公共開支。

飲完杯啤酒出嚟， 
突然坐低晒，
佔領Helsinki進行中。

電車被人群塞住行唔到, 
但無損開緊電車wedding party新娘的心情，
飲住啤酒，
喺街繼續開party！ 

 無事咁， 繼續party！

 
完全郁唔到...

羅馬尼亞Sibiu

無諗過我會講呢句：羅馬尼亞好得呀！

之前講過我對羅馬尼亞嘅印象只有小偷、乞衣+吸血鬼, 我係被迫到這鬼地方的!

由2013年1月1號開始遊浪至今，除了因公事到Sevilla, 所有到過嘅地方都係我鍾意嘅。朋友仔第一次要求去佢想去嘅地方，我無得亦唔應該say no ! 但又忍唔住黑面+用不停搵錯處嘅心態開始旅程； :P 但第二日開始我已經不停同朋友仔講，好慶幸佢迫我離開comfort zone, 羅馬尼亞好好啊！

因為我嘅井底+小人心態, (哈！可以看出我對之前看差羅馬尼亞有多歉意嗎?) 朋友仔只安排到最遊客的幾個地方, 第一站係Sibiu。

搭完那10個小時怪火車，加上時差，(大鄉里唔知原來羅馬尼亞快一小時的！) 到步已經差不多天黑，帶住極驚恐、覺得人人係賊嘅心情,電話都唔敢帶咁到城裡食飯。我哋住喺城牆邊，入城只係幾分鐘；一入城... 嘩! 人山人海，餐廳全都坐滿人，朋友仔話："睇下啲人幾靚， 我哋先似賊啊!" 真的! 個個都著得勁靚,去蒲戰鬥look!

見到咁“正常”星期六嘅氣氛+靚人,心情突然好好多! 食食下突然響起勁大聲音樂+ 強勁燈光 , 回頭一睇.... 原來有fashion show耶！不過睇咗一陣就趁舞台勁光， 急步回家…多靚人就無賊咩！:P
就係咁， 係超熱鬧嘅氣氛下度過咗羅馬尼亞的第一晚。

 (網上圖片)

Sevilla裙腳仔

今日比朋友的壞消息嚇了一跳， 

裙腳仔真係好難頂！

喺Sevilla交了一個好朋友。一個又靚、性格超爽朗、又有長腿的台灣女子L。L為了男友搬到Sevilla，一般的愛情故事。

L在台灣大學讀西班牙語的，所以到Sevilla很容易就溶入社會， 有工作，有朋友。男嘅呢…  5年無做嘢， 話要做全職畫家， 每日只留喺屋企畫畫，但5年一張都無賣出過。(因為堅唔得！)

L全力支持， 自己打工support男友， 一句都無呻過！但Sevilla的人工低到比我都寧願去攞綜援！教書的人工只有幾百歐， 完全生存唔到！仲要一份人工2份駛， 加交租。

我喺Sevilla識嘅所有男人，包括朋友嘅朋友，都係超過5年無做嘢，食軟飯嘅！唔明點解所有女嘅有工做， 男嘅全部話搵唔到， “被迫”食軟飯！仲有全部都因為呀媽唔比， 唔可以去其他城市搵工！

好似Sevilla男一家， 爸爸靠媽媽養、哥哥係呀嫂養； 全部大學畢業，話原本係工程師嚟嘅！仲識一個醫生都話8年搵唔到工，但所有男的都超好彩搵到人養㗎喎！！

L實在頂唔順太窮，完全無生活可言。 又明知道返台灣教外語可以搵多好多，一直叫Sevilla男跟佢返台灣生活，但Sevilla男呀媽話唔好， 唔可以離開Sevilla! 連話去西班牙其他城市搵工都唔比， 總之留喺Sevilla， 最多佢做多2份工養家。 而每個weekend，佢哋都要返屋企陪呀媽！

3年後嘅上年L終於儲夠錢買2張機票返台灣，亦講掂Sevilla男呀媽， 11月高高興興的回家， 仲結埋婚。女嘅超仰慕男， 男嘅又好似好愛女， 加上係米飯班主嘛！ 我諗住除非女嘅有日終於醒覺唔可以養條廢人一世， 應該都可以一直幸福呀！ 

點知L今日無端端同我講佢離婚了！Sevilla男明天返Sevilla！( 當然係L出機票！) 原因係Sevilla男呀媽日日喊住好掛住個仔，  Sevilla男又好掛住呀媽喎！30歲囉！不斷要揾媽咪囉！

估唔到依家L錢搵多咗，終於可以過正常生活； 男嘅本應可以更安心的發佢嘅畫家夢， 但最後竟然輸比佢呀媽！女家父母都未話你個仔食軟飯， 做呀媽嘅竟然攪到呀仔離婚！最得意就係男嘅話返到去會繼續留係屋企畫畫， 即係呀媽攞返撫養權， 自己供養！

其實我好替L高興， 希望佢快啲搵到個可以照顧佢嘅男人！

羅馬尼亞

我對羅馬尼亞的認識只有2樣嘢：
1是Hammer film裡的吸血鬼Dracula，
2是全歐洲街上的小偷及乞丐。

極度惡劣的印象下坐10小時火車,
我不斷覺得會有山賊中途打劫，
或者嗰6個職員係賊扮嘅，
所以開住一度門比佢哋走佬! LOL

火車開了大慨4小時，
突然喺一邊是貨櫃、一邊只有幾條路軌的荒野停咗！
係熄晒電地停低，
6個職員又消失咗，
嚇。Q。死。我！

之後唔知喺邊度嚟咗幾個件制服超皺、又唔懾衫嘅“警察”…
喺荷蘭時街上有扮警察揸身份證的賊，
都係著晒制服嘅，
我想我個樣一定係太過驚慌，
個警察第一句就叫我don't worry, passport check!
我望住佢都唔敢拎本passport出嚟，
但我朋友仔已經立即打開袋攞,
攞到一半佢見喺英國的，
已經話OK唔駛；
咁我先乖乖遞上我的，
之後佢望都無望過資料嗰頁，
chop咗個印。

突然6個職員又坐返喺度，
繼續瞓覺，
火車門依然打開！

Budapest到羅馬尼亞Sibiu

從Budapest到羅馬尼亞Sibiu，
10個小時的火車。-_-||

只有2卡車廂，
頭等就只有我哋2個乘客，

另一卡也只有8個人，
一條十分折磨人加必蝕本的路線！

10個乘客，
但工作人員就有6個，
全程無查票，
只飲咖啡睇報紙講電話+瞓覺…
行駛中的火車門開住10個小時都無人關，

完全符合我對東歐的預期!

Modena火腿

之前只知道西班牙的風乾火腿就叫jamón ibérico，
意大利的就係Prosciutto di Parma。

但原來其他城市, 包括法國的，都有自己的風乾火腿，只係唔知點解Parma嘅特別出名，marketing真係好重要！

喺法國Bayonne第一次見兩種出名火腿以外的“新品種”.....

不過唔知係咪我買的quality唔好，
一陣臭腥味，食唔落就掉了！>_<

第二日買超市版，

 諗住大量生產的會有最basic的味道，點知都係好重臭豬味， ewwww! 

Parma喺Modena隔離，所以我一早就諗住要瘋狂地食Parma ham, 如果搵唔到好味的，就到Parma一轉。

喺Mercato Albinelli, 有好多間賣火腿的，但得一檔長期有本地公公婆婆排隊，應該係好嘢啦！我又排埋一份, 排隊時先留意到原來有Modena火腿! 但經過Bayonne的臭味火腿，我對唔識的火腿有所保留， 但又見所有人都買Modena的, 我就每樣買d試吓！

Modena的有15及26個月的。

今次無失望嘞！Modena火腿比Parma的肉味濃及香， 又無咁鹹，太好味啦！立即返去買多200g, 之後連續幾日每日買嚟食,老闆一見我就“Modena？”，哈！

不過我都係覺得西班牙的jamón ibérico最好味！♥

狂吃無花果

又到了可以狂吃無花果的時候! :D

最近每日都吃扁桃，
前日買扁桃時突然望見有無花果，
哈！終於等到啦！

意大利無花果比西班牙的大很多，
但價錢同樣的平到笑! 

6粒叉燒包咁大嘅無花果，
1€咋! 

 10粒超大的，€ 2.4!

 ♥♥♥

Luminara di San Ranieri

每年的6月16日，
Pisa的Arno河兩旁會點起超過7萬枝蠟燭，
仲會放煙花。

呢個Luminara di San Ranieri ，
雖然我唔係好知為乜，
但7萬幾枝蠟燭…
好似突然聖誕節睇燈飾咁，
好靚、好浪漫呀！

 

 

好好彩比我喺橋上搵到個靚位睇煙花，
最讚就係竟然佢哋準時…
話11點就11點放，
哈！大家都預咗起碼要等到11點半㗎!
如果意大利火車都可以咁準時就好嘞！

原本諗住都係流流地嘅煙火，
點知原來好認真，
初二咁！
40分鐘不停的煙花，
好靚！

Clisson

夏天來了！
怕熱又怕晒…
但每日要喺烈日下行嚟行去堅係大鑊!
朋友仔已經warn過我，
話早啲去北歐抖暑,
係我自己扮勁話上年住完喺sevilla後捱得熱 -.-
依家日日熱到想死，
唉！仲有個幾月先遊到去北歐！

Nantes附近，
以Tuscany style建造的小城Clisson,
亦同Tuscany一樣曬死人！

如此寧靜小城，
但每年舉辦heavy metal festival，
格格不入的！ http://www.hellfest.fr/en/

 

Space Invaders in Nantes

很喜歡Nantes這個城市，
除了因為Jacques Demy，
這城市不停的給我驚喜；
第一個係Space Invaders。

巴黎以外，
Nantes係我見過最多Space Invaders的城市；
當然我最想睇喺香港嗰啲，
希望唔好咁快又比政府拆晒，
或比人偷晒啦！

尋找Jacques Demy

一直想到Nantes,

因為Jacques Demy。

     

Jacques Demy喺Nantes成長，

 亦喺Nantes拍了第一部電影Lola。

“ I discovered love

at the age of 16 in Nantes.

I also discovered the cinema here.

I have had great shocks here
 so that

I love this city

and

I’d like to film here ”

J.D.

Lola同A room in town都係喺Nantes取景，

 2套我都睇過好多次，
所以一到步，
每行到某啲位置，
好容易就認得某場戲，
作為影迷的開心到痴咗線！

第一套睇的Jacques Demy就係Lola，
Lola跳舞的cabaret令我印象好深。

睇戲係黑白的，
一開門見到原來全間都鋪滿瓷磚，
有啲去咗澳門嘅感覺！

1895年開的La Cigale就係戲中的cabaret。
人家明明係餐廳，

但遊客似乎都當咗係免費景點咁,
不停入去影相之後即撇!
我有幫襯㗎！

2套電影都有喺Passage Pommeraye取景，
係第二個我想睇睇的場景。

A room in town ....

Lola ...

 A room in town中的示威場面，
就在cathedral旁的細街。

Jacques Demy成長的住址，
他爸爸的車房。

劇照是他太太拍關於佢的Jacquot de Nantes。



真係好感恩，
我呀朋友仔，
除了帶我環遊世界，
仲幫我完成我的影迷夢!
♥♥♥♥♥♥♥














( 劇照來自internet )