2 May 2017

比利時 ❀ 藍鈴森林 Hallerbos



Hallerbos經常會出現喺嗰d十大仙境post,
Halle=城巿名,bos=森林
每年4月尾都會開滿bluebells。
一早已經想去, 
依家住喺比利時,
啱晒!

唔想同人迫, 
星期四一朝早去, 
只有幾group健行婆婆, 
成個森林任行任影!
比想像中+睇相靚好多好多! 
真係仙境咁! 













2星期前去的, 
花啱啱開,
full bloom一定仲靚


唔確定d藍鈴花係咪天然開到成個森林都係,
但我覺得比去南法睇薰衣草/ 荷蘭花展靚
 少d人工味精
無souvenir舖, 無喧鬧嘅旅遊巴, 
著重叫大家保護d花, 
低調地靚!
不過都見到唔聽教嘅自私精坐死d花為影張相 !

除咗藍鈴, 
之前仲有風信子同洋水仙, 
所以年中幾時去都靚㗎!
森林入面有野生鹿,可惜見唔到。
website update住幾時開花....


由Brussels去Halle只係一個火車站,
方便到不得了。
火車站門口就有巴士直達森林,
唔駛10分鐘,
行去都好易,一條直路。
花期weekends仲有免費shuttle bus。
車又可以泊到森林口, 
一落車任何方位都係bluebells,
所以老人家同細都好啱去! 








21 April 2017

Paling in 't groen




話咁快就住咗喺Brussels 6個月喇! 
每日上Instagram睇吓本地人去邊度食嘢邊度玩, 
關於食嘅全部都係青口、薯條、朱古力+啤酒... 
遊客嘢我都知啦!
有日突然有張青bb嘅相,重大發現呀!
立即Google個hashtag,原來係鱔呀!
我好愛食鱔㗎,啱我呀! 

Paling in't groen = Eel in green,
Flemish菜,Brussels無的。 
做大輪功課後揀定一間喺小村莊Hoeliaart嘅老字號, 
book晒枱,超期待!

小村莊真係好小,乜都無的 。



到餐廳....
嘩! full house啊!
即係好食啦! 
客人全部講荷蘭文,
平均年齡60+ , 
應該都係本地人掛, 
即係地道啦! 

鱔一上枱.......
哈哈哈哈!

 
我唔識反應啊! 



未食已經聞到同啱啱剪完草一樣“清新”嘅草青味,
食落口....
嘩!  
d鱔仲有好“新鮮”嘅魚味,
完全可以想像到d鱔喺沼澤遊水咁,
正到呢! 

2種腥味加埋一齊真係非同小可!
好多鱔的,好抵食,
驚嚇加極度失望,
 真係吞唔落!
其他人食得好開心喎,即係係咁嘅味啦!
好明顯係我唔識嘢!


受歡迎到有festival的, 
原本仲好興奮咁mark晒日期要去, 
依家.......

有興趣可以整嚟食吓...


.

1 January 2017

洗潔精通渠記

新年快樂!!




家裏的洗衣機可能老過我,性能仲好好的,
唯一問題係佢無收集衣物纖維嘅設備;
而條去水喉同浴缸係通嘅,
搬入嚟已經有少少塞,
但只係去水慢少少就唔理佢。

點知26號突然塞到成缸水,2日都去唔到!!

聖誕新年假期Plumber都去咗旅行2號先返,
即係成個禮拜唔可以沖涼????!!! 

超市賣嘅通渠佬... 唔work !
上網話用醋+baking soda ....唔work! 
 天呀!

唯有用水桶將水倒落馬桶啦,
點知朋友仔睇唔到隔頭髮嗰隔,沖埋落廁所!!
天呀!
廁 所 都 塞 埋 !!!!!!

d水差少少就湧落地,嚇死我呀!
無人可以求救,唯有又上網啦!
今次搵到條link話用洗潔精+熱水就得??!!

 絕望的人見洗潔精試吓無用都無傷害呀,
 唔明咩原理!  
浴缸通晒呀!哈!


心諗廁所塞咗舊嘢,應該唔會work掛?!
真係唔work! 好灰!
沖完廁所會水滿,但好快d水流走,
即係仲塞啦!

唔通幾日唔可以去廁所?
最大鑊係我呢排學人飲green smoothie, 
腸胃超好! 

再睇下其他人d comments , 
有人用洗潔精唔work,
但用洗衣液得咗! 
我又試吓啦! 
點知! 
真係通咗呀! 

已經幾日,
 touch wood都好正常呀!
沖咗涼,洗咗幾機衫,完全無塞呀!

仲因為大量洗潔精, 
浴缸同馬桶都前所未有咁乾淨,
哈哈哈哈!

業主應該減我租呀! 
之前除咗plumber 錢, 
仲諗住換洗衣機, 
依家我幫佢慳晒呀!














16 December 2016

突然住喺布魯塞爾



流浪咗4年, 
終於又定落嚟, 
今個月開始住喺Brussels!



言語不通、周街都係難民+gypsies、
 揸機關槍嘅軍人、
因為太多遊客+外來打工人而變得超級十分無禮貌嘅本地人,
真係好沮喪!

嚟過3次旅行,覺得市中心嘅waiters同sales係nice嘅,
因為佢哋大部份都唔係Brussels人。
一去到local區,個個都黑。口。黑。面, 
無禮貌到極點的!!!! 
嚟Brussels前住喺荷蘭區Gent,人人都超nice,洗廁所呀姐都流利英文,雖然朋友仔一早比心理準備我法語區會唔同,但無諗過會差到咁,個個都反住眼同人講嘢㗎囉! 

喺市政廳register之後會有警察嚟check吓你間屋,警察哥哥第一樣嘢就係同我講呢度好多gypsies, 唔好亂同人搭訕、 唔好開門比任何人,even郵差!!!!!!

又係喎,呢度郵差呀、 DHL呀... 佢哋唔會送到門口的! 我家住4樓,有lift嘅,但每次有delivery都要自己落樓攞! 開頭以為佢哋懶,前日鄰居同我一齊衝落樓,佢話原來係安全理由, 唔比佢哋入嚟大廈。仲叫我知道大慨幾點派信就要立即攞,如果唔係會比因攞咗㗎! *0*

已經住喺本地白人區都唔安全咁,嗰d出名難民+恐怖分子區會點?朋友仔話嗰d先至最安全! =.='' 我諗應該都係! 所以我都唔敢住係歐盟expats區,擺明係target啦!

唉! 每日都好沮喪!









25 August 2015

盛夏的極光



雖然我家樓下廣告牌晚上很光,
但只要抬頭依然會望見滿天星星,
很美的。

上星期有一晚,睡覺前如常地望住星空發呆。
發現天空顏色同平時有啲唔同,星星亦比平時光;
所以我就攞部傻瓜機影咗一張相,
懶浪漫的要記下Helsinki嘅美麗星空。
 雖然我知唔係, 但我望見相中微弱的綠色光影… 
嘩!極光呀!
白痴的自己同自己yeah完一輪先瞓!



呢幾日睇Instagram, 
原來上星期連續幾晚喺Lapland都有強勁極光啊!

 (網上圖片)



Helsinki的當然只可以羨慕+妒忌,
唯有氹自己嗰晚啲綠色光可能真係極光呀!

睇極光真係好講運氣, 
好多朋友冬天捱凍又捱夜都睇唔到,
8月去Lapland的又無端端晚晚有。

過去幾年冬天都plan去挪威睇,但每年都去唔成!
可能要唔好plan, 突然起行先得!





22 August 2015

Occupy Helsinki

從來未試過咁update!!

今日市中心有遊行, 
好似因為反對削減公共開支。



飲完杯啤酒出嚟, 
突然坐低晒,
佔領Helsinki進行中。




電車被人群塞住行唔到, 
但無損開緊電車wedding party新娘的心情,
飲住啤酒,
喺街繼續開party! 


 無事咁, 繼續party!



 
完全郁唔到...


13 August 2015

羅馬尼亞Sibiu




無諗過我會講呢句:羅馬尼亞好得呀!

之前講過我對羅馬尼亞嘅印象只有小偷、乞衣+吸血鬼, 我係被迫到這鬼地方的!

由2013年1月1號開始遊浪至今,除了因公事到Sevilla, 所有到過嘅地方都係我鍾意嘅。朋友仔第一次要求去佢想去嘅地方,我無得亦唔應該say no ! 但又忍唔住黑面+用不停搵錯處嘅心態開始旅程; :P 但第二日開始我已經不停同朋友仔講,好慶幸佢迫我離開comfort zone, 羅馬尼亞好好啊!

因為我嘅井底+小人心態, (哈!可以看出我對之前看差羅馬尼亞有多歉意嗎?) 朋友仔只安排到最遊客的幾個地方, 第一站係Sibiu。

搭完那10個小時怪火車,加上時差,(大鄉里唔知原來羅馬尼亞快一小時的!) 到步已經差不多天黑,帶住極驚恐、覺得人人係賊嘅心情,電話都唔敢帶咁到城裡食飯。我哋住喺城牆邊,入城只係幾分鐘;一入城... 嘩! 人山人海,餐廳全都坐滿人,朋友仔話:"睇下啲人幾靚, 我哋先似賊啊!" 真的! 個個都著得勁靚,去蒲戰鬥look!

見到咁“正常”星期六嘅氣氛+靚人,心情突然好好多! 食食下突然響起勁大聲音樂+ 強勁燈光 , 回頭一睇.... 原來有fashion show耶!不過睇咗一陣就趁舞台勁光, 急步回家…多靚人就無賊咩!:P
就係咁, 係超熱鬧嘅氣氛下度過咗羅馬尼亞的第一晚。


 (網上圖片)