我終於整到玉子燒嘞!!!!
我知對好多人嚟講容易到不得了,
但我就試咗幾次都唔成功!!
我好認真架...
走咗去無印買咗隻玉子燒鑊....
唔知係我唔識用定佢quality差...
用咗第一次就生銹??!! 
唔捨得買隻新,
唯有照用!! 
我懷欵係因為佢唔鍾意個電爐....
今次用火試吓!!
好似得喎! 
日新話第一層落厚d,
點知我收唔切手,
差不多將所有蛋漿倒晒落鑊,
所以只卷得2層!! 
Yeah!!!!
再次多謝你呀!!!!!!
唔該晒! 
科隆除咗教堂出名, 仲有以科隆Köln命名嘅啤酒 - Kölsch !
慕尼黑嘅超級市場有得賣, 但一場嚟到, 就要試吓"新鮮"架啦! 今次我哋就去咗2間老牌酒館....
第一間係Gaffel , 懶打歷史, 大家去website睇啦!
發現呢度興用呢個盤, 好似唔係好好拎咁...
第二間係Früh am Dom , 由1904年就開始營業...
睇吓個盤幾唔就手!
科隆d啤酒原來興超細杯, 只有20CL/杯! 飲多幾杯都OK! 
唔駛問我好唔好飲, 以前講過, 我覺得德國啤酒無味嘅, 我係比利時啤酒嘅支持者! 
Gaffel嘅叔叔提議我哋去呢間Peters Brauhaus , 話d血腸好好味喎! 對德國菜無興趣嘅我哋, 咪去咗食呃鬼佬中國菜囉! 
不過都入咗去飲杯啤酒!
係Gaffel嘅時候, 飲完第一杯, 無叫新嘅, waiter叔叔就自動放抵新嘅一杯! waiter叔叔見我面上一個大問號, 就話我知, 原來呢頭d酒館, 如果你唔用杯墊冚住表示唔要, 佢哋就會不斷自動"更新"....
大家都知呢度d人效率有幾快, 等佢自動更新嘅速度就要睇你彩數!!!
順帶一提:
萬一想睇英超或飲英國啤酒, 當然要去Irish pub嘞! 係Alten-Markt大街有2大間假嘅, 千祈唔好去! 假嘅即係求其有Guinness賣就扮Irish pub, 係無波睇,無英國啤酒同無英國人去嘅!
"正宗"嘅Barney Vallelys Irish Pub係轉角位Kleine Budengasse...
我覺得有好多"出名"嘅城市, 都唔適合去旅遊嘅! 例如科隆..... 除咗大教堂之外, 係無其他嘢好睇嘅!!
教堂係正火車站隔離, 所以我覺得基本上落咗火車, 出嚟睇完教堂, 就算行埋上塔頂, 最多2個鐘後就可以搭下一班車去第二度!
行行吓教堂....
比我撞見呢位"洪家拳"嘅老外弟子....
只係想行去望吓條河, 點知呢個唔知咩博物館, 請咗8個實Q, 淨係叫人唔準行入紅磚area!!! 一有入唔小心行咗入去, 最少2個實Q僕埋去叫你出返去, 有無再低能d呢??!! 用條繩欄住會唔會effective d呢???
本來想行去對面影吓大教堂, 但原來好鬼長....
都係影吓d鎖就算...
Tünnes and Schäl ..... 超過200年嘅木偶戲主角, 據說係代表科隆人嘅2種性格!
呢間嘢... 見佢話開咗55年, 諗住會ok, 超貴... 廿幾歐一碟!! 點知難食到不得了!! 嬲爆!! 
待續......
影完Loreley之後我就瞓著咗, 直至到達Koblenz朋友仔先叫醒我, 剛瞓醒迷迷迷糊糊咁, 之後先知大部份相都out晒focus! 
去Koblenz只係為咗轉火車到科隆, 有大概2小時轉車, 諗住剛剛好夠時間, 睇德意志角(Deutsches Eck) 同搭cable car到對面岸嘅軍事要塞Ehrenbreitstein.....
點知一落船, 發現成個town比鐵絲網圍住...
入場費仲要每位€20!! 我哋唔知咩係BUGA, 問佢€20包唔包搭纜車, 咁簡單嘅英文都無人識答...
成個景點區都攔住, 我哋又無咁多時間, 所以就無比錢入去, 好失望呀!
只有呢間教堂"免費"...
返屋企check先知BUGA係大型園藝展, 每次輪住喺德國唔同城市舉行...
食咗個lunch, 之後一路行去火車站都陽光普照....
但突然烏雲密布....
開頭以為係過雲雨...
點知原來係落雹....
10分鐘之後又再陽光普照, 真奇怪!!
比我係火車站見到choo choo train ... 想跑過去影相但唔夠時間!
唉!! 今次去咗等如無去, 唯有等BUGA完咗, 下年再去過.... 
