有嘢食!!

同星加坡朋友講我好想食咖央多...

幾日後嘅今朝早.....

Yeah!!!!!

已經忍唔住隊咗2塊豬肉乾...

3大樽kaya...

肥死!

Schaffhausen ｏ Rhine Falls

6月嘅時候, 朋友仔去咗羅馬上啤洒郵輪 , 我當然唔會留係屋企孤零零啦!

同女朋友仔去咗遊Bodensee , 即Lake Constance ....
女友人同我一樣, 鍾意玩即興, 我哋完全無planning,

Bodensee 連接住瑞士、德國同奧地利....

我哋只係book咗酒店喺Lindau (德國),

每朝食完早餐先去火車站睇吓下班火車去邊....


第一朝諗緊去邊嘅時侯,

我醒起睇過王敏德去瑞士瀑布...

就叫呀女友人問吓火車站婆婆去唔去到啦... (佢係德文人嚟.. 超方便!!!)

好彩就快就有一班車去Schaffhausen,

婆婆話由Schaffhausen行入去瀑布就得,

有巴士, 但等好耐先一班嘅!




搞笑...

去到Schaffhausen, 我係好肯定係瑞士嚟嘅,

因為王敏德嗰節目係去瑞士架嘛!

但女友人同我拗話係德國....

直到見到舖頭d價錢牌用CHF先停...

咁我又提議去ATM攞d錢啦... 佢又同我拗話會收euro...

香港都唔係度度收人民幣啦!!!

但一直都未需要用錢... 咁我就算啦!!!


當日天陰,

想係落雨前去到瀑布.

所以無真係行過Schaffhausen,

但快望都幾靚!!



行去瀑布其實好易.....

只要行到河邊....


沿住條河一直行就得....

得一條路, 無得蕩失嘅!!!

3km.... 即係大概45分鐘啦!!!

當然可以搭巴士啦!!!



好好彩呢位女友人同我一樣鍾意行路睇風景...

搭巴士又邊會睇到沿途風光呢!!!

行到好入,

突然有條村仔....

大家都不約而同地話住係度應該會悶死!

見到急流就知我哋到咗嘞!!!


呢個就係歐洲最大嘅瀑布.....


不過可能因為我去過N次Niagara Falls ....有d失望!



可以坐船遊瀑布....


行上去似好驚咁!

睇完瀑布, 大家都超肚餓,

又唔想係瀑布邊d遊客餐廳食...

於是決定搭巴士返Schaffhausen食啦!

咁就係時候証明我係啱啦!

當然唔收euro.... 最終都係要去攞錢啦!!!!



等巴士嘅時候遇到一家4口超討厭嘅香港人!

唔知咩事不斷望住我同女友人,

跟住好大聲咁講佢哋去過邊度玩,

我諗係想show off???

但我同你係同一個地方, 你有幾威呢???

之後又"好威"咁話佢知歐洲d人鍾意飲有氣水,

歐洲d人呢樣...... 嗰樣...



我拎住枝阿華田,

(德國有就好嘞!!! )
佢又以為係香港人發明, 話d瑞士人都鍾意飲.... 好威咁!

大佬呀... 唔係香港有得飲就係你發明架!!!!

仲要我拎住枝嘢, 你大大聲講, 想點呀?!

之後我哋係火車站排隊買飛,

佢又要排我哋後面,

繼續講佢去過幾個地方有幾巴閉...

之後佢又有"新發現",

"呢度個keyboard好怪, d位錯晒架!"...

失禮死人! 好彩無人聽得明啫...

之後女友人問職員嘢...

佢哋就 :" 嘩! 佢講d咩文嚟架? 個人聽得明, 可能係"瑞士文" !!"

頂!

完全估到佢返到香港, 同人show off佢歐遊有又幾巴閉個格有幾討厭!

井底之蛙....

got it !!!

呢度曬相, digital嘅可以去屈臣氏之類, 用機自己print,

但d相紙質數係零!!! d色又錯晒!

菲林都有得沖, 但我就未試過, 因為信唔過佢哋嘅quality...

有特別要求又做唔到...

影影埋埋十幾筒菲林 , 一直都唔知攞去邊度曬.....

又唔會返香港,

上星期決定試吓市中心嘅"專業"曬相舖.....

曬一筒試吓效果....

佢哋專賣Leica機...

好Pro咁....

店員叔叔識英文.... (我以為!)

我同佢講,

想print埋sprocket holes,

問佢做唔做到... (因為普通曬相舖做唔到嘅!!!)

驚死佢唔明...

係電腦揾埋sample比佢睇....

(網上圖片)


問佢得唔得?

佢不斷 : " got it !!!!"

好似好肯定咁.....

就信佢啦!

今日有相攞....

唉!!!!!



我問佢d sprocket holes呢????

佢話係d底片到囉!! d相要d窿做乜呀?????

除咗粗口真係無嘢再可以答到佢....

但佢又好認真咁指住底片..... " 咪有囉!"




我輸咗!!

手痕....

生食青蘿蔔食上癮....



種植又種上癮...

所以...

手痕來個crossover.....

青蘿蔔被雪過...

本來沒甚期望....

誰不知兩日後真的開始生長.....



於是加點泥......



驚喜就來了!!! .....

又兩天後.....

長出了紫色小花...

close up再睇真d.....

Nice!!!

laab gai 泰式辣雞沙律

Laab gai .... 中文係咪應該譯做泰式辣雞沙律呢???

Laab gai 係朋友仔嘅至愛!

可惜.... 喺慕尼黑食唔到正宗嘅!!!

跟過好多流料去試d所謂好得嘅, 但唔知究竟係我要求高呀?

定係其他人未去過泰國... even九龍城?

我覺得呢度d泰國餐館... 仲衰過中國餐!

即使唯一一間叫做正宗少少嘅, 都懷疑因要快, 會變咗用大火炒, 變咗有鑊氣, 好味但點都唔一樣!

朋友仔好想食, 我唯有出手啦!!!


其實Laab gai超易整... 又一滴油都唔駛, 好味又健康!!

材料:
雞胸肉 (搞碎)
紅葱頭(shallots)
魚露
青檸汁
乾辣椒碎
沙薑粉(galangal powder ) 炒米粉
薄荷葉

做法:

唔駛落油, 將雞胸肉用中火慢慢煮熟 (千祈唔好貪快開大火!!!), 應該會有少少肉汁嘅, 但如果太乾就加少少水...

雞肉一熟, 熄火! 立即加入紅葱頭, 撈勻.

加魚露+ 青檸汁 .... 逐少加入, 試味直至你喜歡嘅味道! (例如我就加咗2個青檸嘅汁, 同3湯匙魚露)

撈入沙薑粉 (呢個係optional... 唔加都得嘅!)

再加炒米粉... (呢個一定要!!) 炒米粉除咗香味, 作用係thicken個汁嘅, 要視乎你要幾多汁.... (我就通常落1大湯匙)

最後加入乾辣椒同薄荷葉 .... 搞掂!

配糯米飯或生菜....

每次出街食, 一見到係炒嘅、無汁嘅、或者無薄荷葉嘅... 就知錯晒!!!

薄荷葉同炒米粉同樣重要! 我嘅係自家種嘅...

炒米粉其實我指 roasted rice powder (khao kua) !!

我通常自製! 泰國人教一定要用糯米!!!

做法好簡單:

只要半杯糯米 (一次唔好整太多, 半杯已經可以用幾次, 放太耐無晒味! )
放落鑊用中慢火慢慢烘至啡色, 不時炒2吓, 等2面都受熱....
一定唔可以心急, 用大火外面啡咗, 入面唔熟,
大概10分鐘, 唔駛太啡嘅, 會苦!
千祈唔好用手掂, 超熱架!
放涼之後就磨粉, 我就覺得唔駛磨到太幼嘅....
好似用手磨又會香D.... 但我無嗰舊嘢, 用機都OK啦!

磨好仲可以沖杯即磨炒米茶!!!

我一星期只會最多煮一次飯, 所以通常都整朋友仔鍾意嘅....

泰國菜係佢非佛! 經我不斷嘗試, 煮泰國嘢... 我都略懂一二!

我的無花果

種嘢種上癮, 4月又買多咗2棵無花果同柑桔!!
5月尾, 士多啤梨同翠肉瓜都開始有收剩....

但無花果樹依然一D動靜都無, 我諗都無希望lu...

第一次種無花果, 唔知佢會生成點, 又唔知會唔會生花...

唯有日日不斷check住....

到咗20/6 ....

突然長出2粒.. 芽? (係咪咁叫呢?) 

都生得好快!

10日後就變大咗, 似粒無花果嘞! 開心到我呢!!

以為好快有得食...

上網check, 話當無花果開始熟, 會漸漸向下墮及變色,

但我呢2粒, 唔知係咪因為6、7月唔夠熱? 定係去咗旅行無淋水呢?

2個月後都無變過!!!


到8月尾, 夏天先真正來臨....

突然熱到暈...

喺26/8, 我突然聽到啪一聲.....

無花果bb終於開始墮同變色....

我諗情況就好似d父母見到bb第一次識行咁, 超興奮....

3日後, 29/8.... 咁樣應該叫熟啦啩??!!

31/8... 食得!!!

超甜....及極之珍貴, 因為只係得2粒!!

2日前又無端端生咗一粒...

咁得意嘅? 唔係只係某一個月結果架咩?

但今日又開始變凍, 唔知趕唔趕得切呢???

拜仁慕尼黑 vs 蘇黎世

已經係2星期前嘅事...

女友人中午來電問我有無興趣陪佢去睇波, 當晚係歐聯嘅賽事....拜仁慕尼黑 vs 蘇黎世!! 雖然我係英超人, 但有得玩, 我當然okay啦!

去球場Allianz Arena超容易, 搭地鐵U6到Frottmaning站就得啦! 有個足球圖案, 唔識字都無可能蕩失路!

原本有2個著晒波衫嘅蘇黎世女球迷坐係我隔離, 點知去到Marienplatz站, 一班已經好醉吓嘅拜仁fans上咗車, 又除衫, 又食煙, 最後仲想打交!


佢哋一上車就望住嗰2個女球迷, 跟住唔知唱d咩歌, 嗰2個人係下一個站就落咗車lu! 唉! 落車都無用啦! 下一班車咪又一樣!! 咁驚就去到球場先換衫啦!

行去球場, 沿途都有人賣波衫呀, 紀念品呀, 雪糕呀, 同炒黄牛.....

當晚超熱! 佢著到咁... 坐佢隔離一定超臭!!!!

€300一年, 唔貴喎!!!

原來賣嘢飲之前, 要先揾呢個橙色氣球人......

買張prepaid card.... 對於我哋呢d去一次嘅好唔抵!

因為必定用唔晒d錢嘅... 洩!


紫色嘅天... 靚!

從來唔睇德國波, 仲要極度討厭德國國家隊, 所以我雖然坐係拜仁區, 但心裡面係支持蘇黎世嘅!!!

蘇黎世一出場, fans勁歡呼, 全場不停唱歌, 仲唔知放煙花定乜... 初時我以為火燭耶!!!

總之氣氛一流!!!


相反拜仁fans..... 我以為都會不斷唱歌打氣啦, 點知除咗入波會歡呼一陣, 全場靜到以為去咗圖書館! 好想坐去蘇黎世嗰邊囉! d拜仁fans完全唔係路!! 實在太悶! 場波又悶.... 睇到下半場一半就閃咗lu!

女友人知我有睇開波, 以為我會識d球員邊個打邊個, 不斷問我Philipp Lahm係邊?!

但我睇嘅係英國波, 連Philipp Lahm係邊個都唔知喎! 我就反問佢鍾意又唔知人地踢咩位???

超搞笑, 佢不斷話要影Philipp Lahm, 但我都唔知佢咩樣... 影邊個呀????

最後比我見到背面個名.... 但佢一另轉正面, 我又認唔到lu!

所以呢張背面係唯一一張!


夜晚著咗燈都幾靚!!!

唔同隊用唔同顏色 : 紅色係拜仁慕尼黑, 藍色係慕尼黑1860, 白色係國家隊.....
(網上圖片)



我去Irish pub睇電視仲好氣氛d.....