30 November 2010

Ovaltiramisu





阿華田tiramisu ....... 正!
之前整過lipton奶茶味, 都一流架!

29 November 2010



呢排好多blog友都煮羊, 所以星期五我又買定咗d!
星期六晚飲得太多... 星期日好想食d辣嘢暖吓胃, 煮咗呢個...
EL FRITE



我加多咗2隻辣椒、洋葱同蘑菇.... 正!
為咗煮呢個, 買咗枝rosé 醋...



醉到錯晒嘅朋友仔差d以為真係rosé .... 想開嚟飲!

Christmas market 終於開咗啦




星期六同希臘朋友食飯.. 約係市中心等, 一見到棵聖誕樹.... 好開心耶!
不過同上年一樣嘅...


未食飯.. 已經每人飲咗幾杯gluhwein ...


呢個好似好好味咁...


berries 整嘅酒... 呢檔好多人!


鍾意佢....


部相機好得意呀!


希臘人鍾意party... 喺Molos食飯, 次次都玩到癲!!! 食食吓飯隔離枱巳經企晒上櫈跳緊舞

28 November 2010

Evita




記得06年Evita係英國重演, Andrew Lloyd Webber上Parkinson 嗰節目話好難揾女主角,因為人人都太Madonna ... 最後揾到Elena Roger , 佢仲真係阿根廷人,搞到我好想睇佢嘅performance呀!
慕尼黑版唔係London cast , 開頭有少少失望, 尤其係演 Ché 嗰位 (即Antonio Banderas嗰角色) ... 其實佢唱得好好, 只不過我expect 似Antonio Banderas咁款,但佢係阮兆祥多d
演Evita 嘅Abigail Jaye唱得好好呀! 到最後好多人, 包括我都喊晒!! 全塲起身拍手, 可以證明佢有幾好!!!
其實我覺得D side cast仲得! 演Peron's mistress 嗰女仔唱 "Another Suitcase in Another Hall" .. 佢把聲靚到不得了!! 我起雞皮呀! 我覺得佢做Evita仲好!! 呢2日我都不停唱住呢首歌
想睇多次




26 November 2010

白色


今日屋企樓下.....好美啊!


雪地老鼠


今晚睇Evita... 好期待呀


屋企附近有好多galleries , 每日行過都會欣賞吓!!
呢幾日行過... 都會停停, 望住呢幾幅畫...


鍾意D怪雞嘢.....












http://www.born2web.de/bender/index.html














唉! DVD要2011年1月尾先出.... 咁我幾時先有得睇呀??


25 November 2010

梳打粉原來可以咁用


工作關係, 以前一日會睇好多集 <<女人我最大>>, 依家都慣咗要日日八吓, 睇吓睇吓... 都學到好多嘢喎!!之前好似興用脚mask去死皮, 有好多人灼傷... 原來用梳打粉就得啦!!
睇吓幾大分別



只要用一大湯匙梳打粉+温水, 浸10分鐘、按摩吓就OK啦!!


24 November 2010

突然迷上韓國


唐人舖唔知點解開始少賣李錦記, 變晒好多大陸嘢, 日本舖選擇又少.. (好掛住巴黎嘅日本舖呀!! ) 依家我多數去韓國舖, 漸漸開始覺得made in Korea係好D ... 廚房D嘢食... 豆腐呀、烏冬呀、茶呀、零食呀...基本上所有嘢... 都變晒韓國貨,連牛肉都係嗰度買!!!!
今次連午餐肉都買埋, 隻豬仔幾可愛!! 又話有Omega-3 、又有DHA 、EPA... 好似奶粉廣告咁健康



盛惠€4.65... 唔知韓國賣幾錢呢?



鍾意佢唔駛用鎖匙開...



心理作用!! 覺得係好味d!!! 唔咸, 食完唔會口渴!!



呢個磨菇湯好creamy , 幾好味!!



請問係咪淨咁放晒d料...加d水同雞就得呢???
韓劇淨係睇過"不能結婚kimchi男"同"我係金三珣", 三珣我睇過4次, 其中一次同朋友仔睇, D英文字幕錯哂!! 不過我已經識背套劇... 熟到可以翻譯!!!
以前好多次想去韓國玩, 最後都去咗日本, 因為媽媽同家姐都話韓國唔好玩, 家姐做嘢成日去首爾, 我信佢囉!! 臨離開香港前, 朋友仔都叫我去韓國, 我又say no, 最後佢自己去咗!! 但依家成日睇Shanshan 嗰blog , 加埋變咗韓國貨fan ...好想去首爾呀!!!!!!!!!!!