綠茶棉花糖

望住最後一包無印綠茶棉花糖唔捨得食.... 決定自己試吓整!
唔想嘥綠茶粉, 試吓先做原味, 加d自製士多啤梨糖漿係面...... 比咗個叻自己!

士多啤梨糖漿
250g 士多啤梨 + 半杯icing sugar
用叉壓爛士多啤梨, 加入糖, 用中火煮10-15分鐘, 過篩... 得咗!
棉花糖
1 1/2 tbsps 魚膠粉 + 半杯水
1 3/4 杯 caster sugar + 2/3 杯golden syrup (我用蜜糖) + 1/4 杯水, 用大火煮滾成糖漿
將熱糖漿倒入魚膠粉水, 打至fluffy, 大概5分鐘, 倒入溶器, 室温放3小時,搞掂! 可以切粒粒, 我就用杯仔上.. 好似食mousse咁!


太好味加太易整 .... 立即整埋綠茶版! 我加咗2湯匙抹茶粉...

唔係講笑, 我覺得好味過無印!!!

再加d nutella ... 正!

我唔敢減糖, 驚變唔到棉花糖, 間唔中甜d無所謂啦!