星期六

似乎英國的天氣的確好差耶! 喺英國嘅blog友們真的要好好保重啊!
原本星期六朋友仔返英國探親4日, 我就同A小姐girls weekend.. 朋友仔3點幾機, 我1點幾check網頁都仲寫住'planned' , 點知2點朋友仔就打嚟話cancel咗! 佢去counter搞完手續就返屋企, 一排佢就排咗3個鐘!6點幾先搭火車, 點知唔夠幾個站又壞火車... 最終8:30先返到屋企!! 佢12點出門口, 足足8小時.. 真係慘!
打電話比呀奶奶, 原來另一個哥哥都返唔到, 佢好失望呀!! 不過佢就話唔好呢幾日再book機票,因為佢條村嘅情況好差, 好厚好厚雪, 夜晚只得-19度!! 佢話未試過咁凍, 話驚凍親我, 我就話我試過-30等巴士返學, 唔怕喎!! 點知係佢嗰仔話等天氣好d先 不過我諗朋友仔最失望嘅係呢個weekend d 英超都因為天氣cancel晒多過返唔到屋企!
原本嗰girls weekend就變成一餐打邊爐, A小姐執晒行李去我屋企, 佢都失望呀!!! 唯有叫埋宙斯先生陪佢, 驚宙斯先生唔鍾意打邊爐, A小姐就整咗佢家鄉style嘅kebap!
嗰樣有d似.... 不過好好味架!

臨時臨急由2人pizza nite 變4人邊爐, 好彩我屋企有大量存貨!!只係去supermarket買少少海鮮+牛肉就搞點! 其實冰櫃有肥牛,係我平時煮麵用嘅, 不過打邊爐我就鍾意手切新鮮肥牛...
用咗呢枝做湯.... 一流!

之後仲跟samwei整咗雪梨水 .... d無花果好甜好好味呀!!

結果又搞到3點幾佢哋先走 而之前嗰70枝啤酒+ 另外2箱英國啤酒.. 無晒!!!

買餸睇景點!

屋企喺市中心, 去買餸等如睇景點!!
遊客必到嘅Viktualienmarkt係我嘅街市, 每次想買少少嘢都要迫好耐! 今朝好早出動先無人!!

藍色呢間賣"海鮮"嘅, 但因為連餐廳, 平時門口迫爆人!!只係想買條魚, 有時好似打仗咁!!

夏天呢個位係飲啤酒嘅, 每日無論咩時間都好多好多人!!
有時想買吓生果、olive, 幾部相機影相, 搞到唔想買!

Marienplatz嘅Galleria亦係我嘅supermarket!! 因為我覺得德國d豬牛羊鷄都唔好味, 所以要喺嗰度買法國貨!!

又係要同遊客迫一輪先過到去! 兼每日被迫行一次christmas market!

鍾意塊豬仔chopping board...

呢d裝飾品都好靚, 不過我覺得好貴呀!!

白馬Santa

好近屋企就係theatre...

如果識德文, 我會睇晒佢!

依家做緊"胡桃夾子"

theatre 對面出少少就係Viktualienmarkt嘞!

亦係shopping同行gallery嘅地方! 有好多次買完餸返屋企, 拎住條魚去試衫試鞋!
沿途仲有英國舖、意大利同西班牙舖, 英國舖幾乎隔日去,唔係買啤酒,就係買shortbread 同薯片! 今日比呢包薯片引咗我入去....

屋企樓下條河.... 後面就係德國博物館, 無影到!!

河邊夏天會爆晒人曬太陽、BBQ, 冬天玩雪橇, 元旦夜會好多好多人係度玩煙花!!
呢幾日唔知整咩呢?!

沿住河邊一直行半個鐘就係動物園啦!! 再一直行會有樹林、水霸.... 好靚架!!

係咪好想住係我附近呢??!!