好人 ○ Lübeck ○ 德國

去Lübeck當日又係落滂沱大雨，
唯有搭的士去Lübeck屋。

一出火車站，
一個大叔突然衝向我哋，
嚇我一跳！

佢係屋主耶！
（租屋網有我哋相，
全場又得我一個亞洲人，
好易認!）
佢哋見落大雨，
所以男的揸車嚟接我哋；
女的就以防男的接唔到車，
喺屋企等！
好感動呀！

沿途又介紹景點...

途中停咗係超市門口，
話等我哋入貨，
但我哋話唔駛，
邊好意思喎！

落車時佢仲爭住幫我揹背囊！！

間屋被樹林圍住，
每日望住D樹，
人都開朗D！
由廚房望出去...

床邊隻窗望出去...
好似幅畫咁！

每晚日落就會變成咁...

雪櫃仲預備咗飲品！！

係Lübeck基本上每日落雨，
臨走前一晚仲落緊，
知我哋搭幾點早火車去哥本哈根，
又offer車我哋去火車站，
我哋話唔駛，
堅持7點pick up...
太好人嘞！！
最後知道佢哋係波蘭人。