流浪到布拉格 o 日本超市

無手寫板真係好麻煩!!

但諗起呢個blog, 原本係想紀錄由08年開始嘅歐洲漂流生活，但關於愛爾蘭、西班牙嘅生活，一篇都未寫過！！

到今次嘅流浪生活，又係未寫過！今次由愛沙尼亞開始，之後柏林，葡萄牙，返慕尼黑探好朋友、再依家喺布拉格, 要寫返都有排追... 好想寫返晒呀！！！

喺葡萄牙嘅2個月，買餸係完全無難度!! 種類多又超新鮮，真係雞有雞味，又有黑毛豬扒，好味到不得了！完全無需要諗起亞洲醬料! 但喺捷克，雖然家對面就係2大間超市，乜都有得買，但同慕尼黑一樣，D嘢係無味嘅！！！ 其實我唔明點解D肉可以養到一D味都無嘅呢?! 蔬菜又係得個樣，超怪！

慕尼黑亞洲舖多到7仔咁，但呢度超多越南人，亞洲舖反而好少!

上網揾... 原來布拉格南面有一個小越南社區Sapa，裏面有街市；

另外仲有一間日本超市，太好了！！！ 

立即飛過去......http://www.japafoods.cz/

離地鐵站都幾遠，一D都唔易揾!!
個舖幾大，但種類少，有豆腐，同好多....應該話淨係得醬汁 .... 但貴！！！
求其一枝醬都要7、8歐起！

反而一櫃洗頭水....

仲有D10蚊店家品，當然唔係賣10蚊啦！！

好失望！！！

空手而回，返去屋企對面間超市個asian section , 求其買枝不知名鼓油!!

好彩喺慕尼黑時，預咗捷克會喺食方面差少少，買定咗呢樽pork bulgoggi sauce同韓國粉絲啫！！