酥皮蛋撻

之前samwei同Da Da都整酥皮蛋撻, 睇到我流晒口水!! 我唔識整...走去超級市場買塊鬼佬酥皮, 諗住頂住先, 當然錯晒啦!
尋日朋友話一齊整, 我緊係仆住去啦!!

D相係咪好似好pro咁呢?
其實我哋2個儍婆, 又無磅, 又無量杯, 得隻100g嘅量匙, 乜都靠估...

不過我覺得都成功架!

有一層層架!!!

不過我要問問題呀!!! 唔知點解好似唔夠蛋撻味咁!!!
我哋淨係用豬油, 無溝牛油, 係咪唔啱呢????? 以前整開嗰食譜有用custard powder, 呢個又唔駛落... 我就賴德國d蛋無味!! 定係無溝牛油同無落custard powder呢?