蒸氣火車ｏHarz mountain

鍾意坐火車, 尤其係蒸氣火車! 09年喺去Chiemsee 嘅時候坐過一次mini版, 由火車站到Chiemsee碼頭..

朋友仔想去Goslar飲古法釀製啤酒, Goslar係Harz區, 而Harz mountain就有得坐蒸氣火車, 一個trip滿足晒2個願望!!!
傳說全歐洲嘅女巫每年4月30號都會係Harz山頂聚集,所以喺Harz嘅towns, 周圍都會見到好多女巫嘢... 好cute架!

呢次北上尋找古釀啤酒+蒸氣火車之旅, 由Erfurt出發, 到Quedlinburg 坐蒸氣火車上Harz mountain 最高嘅Brocken, 坐蒸氣火車落Wernigerode, 再去Golasr飲啤酒... 原本我對呢幾個town興趣不大, 朋友問我去邊玩, 我答" some shitty towns in Germany" ..... 點知去到 "嘩!" 到停唔到! Quedlinburg同Goslar都係UNESCO世界遺產, 絕對覺得佢哋值得出名d, 而鍾意影相/建築物嘅朋友更加唔可以錯過!!!! 喺德國玩, 唔係淨係得柏林囉!!

AriZona 綠茶

講開"童年回憶", 就一定要講埋呢隻Arizona綠茶!
AriZona早過道地幾年推出一系列茶! 我諗我第一次飲係去美國玩嘅時候, 因為佢唔似維他檸檬茶咁甜, 一飲就愛上咗!

到去多倫多, 中學學校附近嘅mall有得買, 而每日break或者走堂都會去mall度hea, 所以成日都會買嚟飲! 我自己住嘅, 屋企廚房永遠只有4樣嘢: 可樂, 金寶雜菜湯, 粟米湯同呢隻綠茶!!! 呢4樣嘢陪住我過咗好多年耶!! 3寶依然係我屋企, 只係無咗金寶雜菜湯.... 以前可以如果無出街食飯, 淨係飲可樂, 嘢都唔食架! 連外賣都懶叫,罐頭湯都嫌麻煩.... 邊會諗到依家會自己燒燒鵝!
已經唔記得當年賣幾錢, 香港city super就好似$37咁上下, 慕尼黑之前淨係喺英文戲院同幾間舖頭揾到,賣€3.5.. 上年突然超市都有, 仲只係€1.99 我依家又成日買嚟飲, 一飲就掛住多倫多...
我諗每個人都會有d嘢會令到諗起以前d人/事.... 我最最最多開心嘅回憶暫時仲係多倫多, 所以好多嘢都會好易令我聯想起以前d生活有幾癲同開心! 讀書真係好....



出門幾天... 下星期再見!

珍珠奶茶

好鍾意好鍾意飲珍珠奶茶, 因為係我超開心嘅"童年回憶"! 嗰時香港好似仲未有, 但喺多倫多已經好興, 嗰時我嘅朋友都係台灣人, 每日放學都會一齊去Market Village到飲珍珠奶茶+ hea ! 以前每日最少飲1杯! 如果住過多倫多就會知想當年"market"有幾興旺, 不過後來唐人mall多到不得了! Market無人去lu! 入面仲有間做港產片嘅戲院, 我最後一套係嗰度睇嘅戲已經係"玻璃之城"嘞!
巴黎有珍珠奶茶飲, 9月去嗰次, 每日都飲2杯, 飲足7日!
飲第一啖之後真係開心到想喊! 太耐太耐無飲過! d開心回憶返晒嚟! 回程嗰日仲因為我要買上火車飲, 但排隊排耐咗.. 差d miss咗班火車!

又講到離晒題....
其實我係想講慕尼黑都有得飲!

喺我屋企附近, 我一知道就立即去咗一轉!

好彩呢個哥哥仔講英文嘅....

揀呢d味.... 哥哥仔話西瓜最多好味...

睇嗰樣都知.....

錯晒!!!!!!!!!!
無茶味嘅! 只係溝咗syrup嘅奶水+無味"百香果珍珠" , 又失望多一次!
我飲咗幾啖就掉咗lu.... 之後又同自己講: "以後以後都唔好再係慕尼黑試新嘢!"

beeramisu

好少好少去食德國嘢, 幾條腸 + 一pat酸菜.....
前幾日同朋友仔行過市中心, 喺正Galeria隔離間餐廳, 住2年都無諗過入去! 但嗰日見佢棟塊牌話有用啤酒做嘅tiramisu.... 又比佢呃咗!

一如我所料, 唔好食!!!! d薯仔無味嘅, 塊肉就仲乾過我塊面!

朋友仔話啤酒ok... 夠malty喎! 其實我唔知佢講乜!

就係佢... weissbier-tiramisu.... 你估好唔好食呢?

細舊到....

超失望!!!!
無啤酒味, 無tiramisu味... 連個醬都無berry味!!!去死啦!!!!
結論係以後無論佢再sell咩都好, 話Jude Law會陪你食到好.... 千祈唔好再上當!!!!!!

酥皮蛋撻

之前samwei同Da Da都整酥皮蛋撻, 睇到我流晒口水!! 我唔識整...走去超級市場買塊鬼佬酥皮, 諗住頂住先, 當然錯晒啦!
尋日朋友話一齊整, 我緊係仆住去啦!!

D相係咪好似好pro咁呢?
其實我哋2個儍婆, 又無磅, 又無量杯, 得隻100g嘅量匙, 乜都靠估...

不過我覺得都成功架!

有一層層架!!!

不過我要問問題呀!!! 唔知點解好似唔夠蛋撻味咁!!!
我哋淨係用豬油, 無溝牛油, 係咪唔啱呢????? 以前整開嗰食譜有用custard powder, 呢個又唔駛落... 我就賴德國d蛋無味!! 定係無溝牛油同無落custard powder呢?