無聊事

自從試過叫朋友仔去supermarket幫我買雞翼, 佢買咗成隻雞! 買椰菜又買咗白蘿蔔! 我懷疑佢喺唔想幫我而故意嘅, 所以我唔會就咁放過佢! 依家我會寫底exact wording 或者影埋相, 近來都無再買錯!
上星期我又懶落街, 叫朋友仔幫我買意粉! 影埋相比佢....

無可能有問題啦掛...
點知.................

佢買晒全部佢見到嘅意粉返嚟, 就係無我要嗰隻!
佢堅持話無我要嗰隻, 但第二日我去又見到喎!


喺samwei度見到平靚正法國走地雞, 平時我都係買法國走地粟米雞, 但唔係€2囉!!

都係有2字, 但係2X囉! 最平都€19.92!!!
我通常買€19嗰d... 未到2字好似無咁貴!

喺真係好味d架! 德國d雞無味架! 就算去雞檔買新鮮走地雞,都要€10以上, 但無味嘅!

星期六散步時見到佢孤零零坐係度.... 天寒地凍, 好慘!

幾個鍾之後佢仲係度, 咁我就諗住如果隔多一陣再去都無人認領,我就拯救佢返屋企! 之後再返去睇佢已經唔見咗, 希望喺佢主人帶咗佢返屋企啦!
呢度d人好鍾意將唔要嘅嘢放喺街等人執, 如果係環保當然無問題! 但好多係因為懶, 唔想去指定地方掉電器呀、衫呀... 等等。
最衰嘅係我樓下, 上年夏天, 佢嗰幾歲嘅女養咗一隻賓尼兔, 唔知點解日日抱住隻兔仔坐喺馬路邊, 每次見到我都擔心! 擔心嗰小朋友又擔心隻兔仔! 有日終於佢呀媽拍門, 問有無見到隻兔仔... 一星期後佢哋放棄搜索, 之後就將個籠, 無清潔過, 連埋入面d屎屎尿尿、食淨嘅糧, 大熱天時, 垃圾袋都無個, 就咁放係街度! 我發覺呢度其實都好多同胞行為囉!!!

羅馬ｏ巴塞隆納ｏ啤酒ｏ郵輪

係咪覺得呢4樣嘢無關係呢?
朋友仔對啤酒嘅熱誠真係令我配服! 要知道佢已經過咗為飲醉嘅階段, 佢係真係研究啤酒, 就好似其他人研究紅酒一樣, 亦都完全改變咗我對啤酒嘅睇法! 發現原來有好多beer experts, 睇佢哋嘅書 / 節目, 令我大開眼界! 亦知道其實除咗德國人自己, 其他人,包括我都覺得佢哋嘅啤酒喺浪得虛名! 只係超gassy嘅piss! 呢d啤酒, 只係啱好熱坐係大排檔飲! 飲到一肚氣為咗burp嗰快感! 好啤酒原來係一d都唔gassy架! 靚啤酒大部份來自比利時同捷克! 而佢哋嘅啤酒同紅酒一樣, 酒精成分可以去到十幾percent! 而價錢都可以去到€2X一枝!
我講到離晒題添! 揾日寫吓啤酒先!
之前提過喺羅馬嘅Ma Che Siete Venuti A Fa' , 今年10週年紀念!
佢哋會喺6月11-14號搞個cruise party慶祝! 由羅馬附近港口Civitavecchia 出發去巴塞隆納,喺巴塞隆納狂歡完再返Civitavecchia ! 有來自世界各地有名嘅beer experts同breweries, 4日24小時不停parties, tasting兼有堂上!!! 啤酒迷真係不容錯過! 朋友仔當然亦已經比晒錢霸定位啦! 有興趣嘅可以報名! 價錢已包晒所有嘢, 最重要喺all you can drink of craft beers! 正如嗰網頁話: " a ship where the beer will come out even from the walls!"
呢嗰trip勁得滯! 有一秒我為咗想報導比大家知而去, 但為咗朋友仔可以盡慶唔駛照顧我, 加上朋友仔話我唔夠'committed' !! 又望吓個價錢, 要再加來回羅馬機票加上船前後酒店錢... , 我唔去lu! 要買定個平安鐘, 做一星期孤獨老人! 朋友仔叫我自己去個trip... 孤零零去邊喎!

羅馬ｏ米妮

當其他人好努力咁扮銅像、玩音樂,

 你就求其笠件老翻米妮衫喺度揾人影相問攞錢!

我睇你唔起!!

 

Olivia Ong‧You and Me

最近喜歡她....

Olivia Ong - You and Me

真係乜都有架!

我屋企附近真係乜都有架! 小Nel到見到羊咩咩, 令我醒起Englischer Garten 除咗有人滑浪, 仲有人放羊!
我第一次行過時開心到癲咗! 無端端有咁多羊喺市中心公園食草!

唔見有牧羊狗或人看住, 但d羊又無走散架喎!

點解得你一個唔同色嘅?

黑草羊?

好靚! 想抱佢返屋企!

另外一個奇景就係天體區! 唔係奇在d裸體人, 而係個天體區係喺正non-天體區隔離, 咁分嚟做乜呢? 我行過幾次, 未見過一個靚身嘅裸體人!! 一家大細望住d唔靚身嘅裸體人燒嘢食、踩單車, 有咩咁好玩?

羅馬ｏ食

本來無諗住寫遊記, 但見有blog友遲d又會去羅馬, 咁我就寫少少啦! 嗰位blog友(無問你唔知好唔好開名) 鍾意食, 咁就一定要講吓食嘢先!
比起其他意大利城市, 我覺得羅馬d嘢食真喺麻麻地! 喺其他城市, 就算求其入一間, 意粉、pizza難食得去邊! 但喺羅馬, 真係會揾到7-11叮叮pizza嘅level..仲要係唔平嘅!
我哋唔興做research去旅行, 行到邊睇到邊食到邊... 但酒店靚仔話紅圈嗰區係local人都會去食飯嘅地方, 所以夜晚我哋都係嗰度揾食! 而d餐廳都真係好ok嘅! 因為遠離超級遊客區, 咁多晚我都無見過亞洲人, 亦都無乜聽到英文, 所以我覺得authentic d... 不過2月唔係旺季, 夏天唔知會唔會一樣!
唯一問題喺呢區離地鐵好遠, 除咗行, 當然就喺要打的!
例如我住近Trevi Fountain (即黃圈) , 打的嘅話大概8-10歐元!

間間餐廳都好食, 但我想講喺呢間... Hostaria del Moro da Tony

我喺比呢d牛扒吸引咗入去...

嗰賣相平平無奇, 但塊牛扒真喺好好味! 好耐無食過咁有牛味嘅牛扒, 又唔酥! 令我諗起喺Florence嘅牛扒都係超好味!!

有一晚太倦, 喺酒店附近揾嘢食, 懶醒行去d後街, 以為會無咁呃遊客!! 入咗呢間:
http://www.ilgiardinodialbino.it/home.html
我想講, 除非你好鍾意好似跟團食團餐, 又唱晒歌嗰d呃遊客氣氛, 如果唔係,千祈千祈唔好去! 我坐底嗰時仲好早, 已經比個以為自己好funny嘅waiter煩死! 唔夠10分鍾就2團人入嚟, 開始有人唱歌!! 最重要d嘢勁難食! 好似微波爐叮熱咁!!不過之後見到原來有blog友超愛呢間嘢, 但我就絕對唔recommand!!!! 係要避開嗰隻!!
估唔到原來意大利都興情人節迫你食套餐! 嗰日行咗好多間都係咁, 最後唔忿氣去咗食中國嘢! 呃鬼佬嚟講都ok! 坐我隔離嗰枱2個鬼鬼就食得好開心,又影晒相!! 佢哋用刀叉食蝦餃、春卷, 朋友仔就懶醒笑人!

(網上圖片)
一定要介紹吓.... 被選為全球最好嘅beer pub - Ma Che Siete Venuti A Fa , 又叫football pub 都喺度 (喺紅圈區) !

有來自世界各地好高quality嘅啤酒 + 氣氛、音樂都一流! 選為全球最好, 真係名不虛傳!!
只賣啤酒 + whiskey! 可樂喺無嘅! 我起初唔知飲乜好, bartender哥哥每樣比一小杯我試! 十幾種啤酒, 試完我都飲夠lu...

千祈唔好以為飲啤酒平! 好似呢枝成枝紅酒嘅其實喺啤酒... 盛惠12歐元, 喺朋友仔每晚都會買嘅外賣hotel beer