小河內 ○ SAPA ○ 布拉格

喺布拉格,
無論遊客或定居，
出奇地少大陸人。但就好多好多好多好多越南人!

之前講過...

越南人多,

但街上/網上都揾唔到亞洲舖，

淨係得一間日本超市同越南社區SAPA 。

SAPA係連本地布拉格人都好少人知嘅社區！

咁神秘，

當然要去視察吓！

搭地鐵紅色線去Kačerov 站，再轉113號巴士。

無端端一個巴士站企滿淨係亞洲樣人，唔會錯！

原本唔知邊個站落，

但唔怕, 成車都係去同一個地方，！

原來係總站！

都幾遠，

一出地鐵站同埋巴士途經嘅屋都好明顯係窮D！
心裡查實有少少怕！
一落車....
眼見只有旅遊公司、中式按摩、賭場+妓院樣舖頭，
加D樣子很兇的人，
似港產片拍果欄，
入咗去出唔返嚟咁！
真心淆底，想走！

但明明鬼佬blog話係market，

又話有嘢食，

唯有穿過D巷仔，再8吓！


哦！！！！

原來巴士站行入去係後門！
正門入就見到一個幾大嘅市場；

玩具、家具、手袋到衫……

乜都有嘅批發市場，但送比你都唔會要!!!

再穿過個批發市場 ,
就見到成條街都係賣食材!!


突然一間韓國舖!!

都幾齊全，除咗醬料，
電飯煲同化妝品都有 。
越南人開嘅，因為佢睇緊越南劇！！


呢檔賣游水魚！
游水鯇魚都有...

我一心嚟食嘢，乜都無買！

當然唔會幫襯D擺明呃鬼佬㗎啦！

望咗幾間細舖，

見D越南貨車司機大哥都入呢間..... 一定無錯！

怕走寶,

8吓D大哥叫咩嘢食,

每人都係同一碗牛河,

原來只賣pho！

有4種，淨係識雞或牛，

唔知另外2種係乜?!

我未去過越南，
一直認為最好味嘅pho喺多倫多!

直至食到呢碗.....

個湯底好清但好濃味,

完全無味精，

好味到我食咗2碗！

見大家都落好多醋蒜片，我又跟！

簡單就是最好！

臨走仲見到櫻花樹林!

好滿足！！！

但依然認為只可以日光日白去，
硬係覺得唔安全!!

香港依家邊間好食呢？
我以前淨係識去總统戲院後面條街，
不過一定無咗lu ...