唯一唔捨得嘅就係我棵無花果同柑桔,
我搬屋係用UPS寄箱嘅,
植物UPS唔到,
唯有揾朋友收留佢哋!
朋友好可靠,
但經常出門,
好擔心呀無花果同柑桔會渴死....
好彩前幾日收到朋友報平安....
仲幫佢哋換咗大屋,
安樂晒!
唔知會係度住幾耐,
所以無諗住再種嘢,
但係......
嘩哈哈哈哈哈哈!!!!!
話說煮白菜,
我會切咗小小頭個段, (明我講咩嗎???)
唔知點樣有一粒''頭''彈咗去調味架裏面,
我一直唔知架喎..
有一日我見個調味架無端端有塊葉,
諗住掉啦,
一拎起,
原來個粒''頭''自己係無水無陽光,
仲要比我切過嘅情況下繼續生存緊...
於是我就比D水佢飲,
一飲....
幾日後佢又生返成棵白菜出嚟....
仲開花喎!!!!!
