Verona ｏ 羅密歐與茱麗葉

見講開Verona又揾吓d舊相, 今篇blog嘅相都係上2次影嘅....
每次都話想試呢個蛋糕, 但3次都無試...

原來Verona係2000年被 UNESCO列入世界遺產...

令人認識Verona嘅應該係佢.... 莎士比亞

《羅密歐與茱麗葉》嘅愛情故事吸引每年過百萬嘅遊客...
大家都要探探茱麗葉, 據說只要摸摸茱麗葉嘅右胸一圈, 就會有幸福美滿嘅愛情....
睇吓佢黑晒面, 真係慘!!! 每年比過百萬人非禮.... 睇吓摸到幾光滑!!!

茱麗葉的陽台....

可以比錢上去影相, 入面仲好似有d關於茱麗葉嘅藝術品! 當時只有我家姐一個入去, 問有咩睇, 佢淨係一句: "呃錢嘅!" ...
情侶們嘅許願memo... 之前睇過一篇報導, 意大利政府每年要用過百萬港幣清理塗鴉同memo紙!!

羅密歐嘅"屋企"....

無呀茱麗葉嗰陽台咁受歡迎, 可能因為無得入去, 淨咁擺塊板就話係佢屋企...

呀茱麗葉連墓穴都有.... 但點解羅密歐無呢?!

記得最後一日臨上火車, 無聊到極所以去睇吓! 我諗遲d連白雪公主都要整個墓....

"墓穴"出面有講解個故事... 讀書年代讀過2次, 到依家仲識背少少...

最騎呢就係無端端連呀梁山伯同祝英台都係度...

其實慕尼黑Marienplatz都有個茱麗葉像....

1974年Verona送比慕尼黑嘅.... 原來慕尼黑同Verona係twin cities, 不過我唔明咩係twin cities??

慕尼黑嘅茱麗葉幸福少少, 因為喺花檔隔離, 每日都有花收! 但都係途唔過比人非禮右胸嘅厄運!!!!