露台農夫

自從上年夏天喺超級市場買咗第一盤士多啤梨...

又比我種到超甜士多啤梨之後....

我就種出個興趣來...

士多啤梨真係抵種, 上年嗰一棵今年變咗12棵!

(因為無地方, 我淨係keep咗12棵)

冬天時好擔心, 唔知會唔會凍死晒,

2月嘅時候望一望, 見到有d綠色嘅新苗....

3月.... 好開心呀!

見d士多啤梨生長得幾好,

又走去超級市場, 今次買咗包翠肉瓜種子, 決定挑戰吓由種子種起....

其實我唔知要做d乜, 將成包種子放晒入一個花盤仔,

幾日後真係有BB苗喎!!!!

開心到我呢....!!

都生得幾快架喎! 2日後就生到咁....

我就每棵苗買間新屋比佢... 一共有6棵呀!

包種子好似就係有6粒種子, 全部成功!

4月嘅時候,

我又買咗棵梅樹...

買返嚟嘅時候只係得一條樹枝, 葉都無塊, 依家已經粗咗一倍嘞!

日日望住, 真係好有滿足感!

呢排日日都可以即摘即食...正!!!

翠肉瓜BB都生得好好....

成日係街影花, 都唔及影佢哋開心!!

一影完相, 個腦就諗緊朶花可以整天婦羅...

去旅行一星期無淋水, 幾驚會出事呀!

好彩返到嚟佢哋不單無枯, 仲大咗好多!!!

就快食得嘞!!!!

實咗太有成功感嘞!!! 好想玩種菜呀!