Lake Garda ｏ Malcesine

大家都太純潔啦!! 我原本係想話Lake Garda似生值器官... 但比大家講講吓, 又真係似長頸鹿喎!
其實著高踭鞋行山, 我d竹星朋友都興嘅! 以前係香港每個星期都去行山, 竹星小姐們都係小背心+短裙+高踭鞋... 第一次見, 我心諗駛唔駛連行山都要勾引人... 但最後佢哋幾個都建步如飛! 佢哋連去攀右, 都係高踭鞋去, 到攀右一刻先換鞋!
冬天去行富士山, 架妹仲勁! 高踭皮boots+超短裙.... 我就包到隻粽咁!


想寫blog先發現我真係無乜影相......
呢日一早搭快船去北面另一端嘅Malcesine, 快船都要坐2個幾鐘!!!
遠遠就望見城堡....

我哋無興趣睇城堡, 即刻揾登山覽車站, 無指示, 行咗一陣揾唔到, 朋友仔想放棄, 但我又點會比佢咁做呢? 我知佢全個trip就係最想上山!
最後當然揾到啦!

超多人呀! 好多人上山玩滑翔, 個個都一大堆架撐, 搞到好迫!

覽車上面又見到城堡...

好大霧! 對面d山得d影咁, 好似水彩畫咁.... 幾得意!

中途要轉一次覽車, 亦都可以落車行上/落山, 或者搭到上山頂....

其實, 我又無expect會係雪山, 又係著住短袖衫, 不過好彩唔係超凍!

太大霧, 乜都睇唔到...

山頂咁凍都開咗好多呢d小野花....

原本我話行落中途站, 但朋友仔話大霧無嘢睇, 兜咗個圈就走咗! 朋友仔好失望呀!

最正其實係隻船Hydrofoil, 因為佢未開行turbo之前只係一隻普通船, 但一開咗之後, 會變滑浪飛船... 我大鄉里第一次見咋!!

坐下層會見隻船係d浪中間滑嚟滑去, 好正架!!!!

待續...