為smoked beer 出發!

星期五晚飲住Guinness食嗰beef stew , 突然好想飲Bamberg嘅smoked beer , 於是決定星期六去Bamberg一趟!!!
之前去過Bamberg已經好鍾意! 鍾意佢夠簡單, 一個細細嘅舊城區就有8間自家釀啤酒館!! 而最出名應該就係smoked beer啦!
old town hall ... 謝安琪喺<細說名城>有解釋過點解會起個town hall喺河中間, 但我唔記得lu..

天陰+落雪, d相都好暗! 其實好靚架!

週圍都有指示我要去嘅酒館... Schlenkerla

就係呢間啦...

1405年到依家... Trum family第6代人lu !!

我至愛嘅煙熏啤酒!!!

每家brewpub都有得"買外賣" ...

我當然有買啦...

上2幅圖中間嗰枝係春夏限定... 無得賣!

冬天少遊客, 全間舖都係大家都識嘅local人! 得我一個亞洲樣嘅外星人.. 當呢個男子問我係邊度嚟, 我一答Hong Kong ... 幾隻杯碰埋嚟, 爭住答佢哋都去過香港 不過個個都强調係97前去嘅!!

下面呢2位男子最熱情.....
由香港97前後分別, 講到英德足球大戰, 佢哋由七幾年開始講.... 佢問我鍾意邊隊, 我答熱刺... 佢即大叫NO NO NO... 朋友仔解我知因為Tottenham好多猶太人 ... 咁佢又講一大輪德國人唔係壞人!
由8點講到11點... , 原來所有舖11點都要關門, 佢哋就帶我哋去新城區唯一一間開天光嘅餐廳, 亦係後生仔唯一蒲點!!

傾咗好耐好耐, 佢2個太funny .. 帶眼鏡呢個, 喺非洲住過5年, 又已經環遊世界... 最近收養個BB, 無得再去lu!! 佢超熱情呀, 話我哋係遊客, 全晚佢比錢架!!! 我哋已經約咗係慕尼黑再飲過!!



待續....