食!!!

聖誕期間好多鵝同鴨賣, 朋友仔兩樣都唔食, 本來都無諗過買, 但比我揾到呢包細細包嘅鵝肶, 好吸引呀!! 都幾貴呀! €11.21.. 可以買一隻法國走地雞, 或者2隻法國粟米雞lu...

原本有d肉赤, 但一打開.... 原來有2隻, 仲要有我塊面咁大隻架!!! 即刻覺得抵晒!

整咗港式燒鵝肶... 好耐無食過啦! 平時得d奀雌雌嘅鴨... 唔好味嘅!

真係好大隻... 超大食嘅我食咗一隻都飽lu!

假期終於開咗個韓燒爐.... 朋友仔好鍾意呀! 幾日假.. 佢要求燒咗2次呀!!!

原本我係整綠茶tiramisu....

依家都係tiramisu.. 不過朋友仔要求加ouzo, 話會好味d喎!

屋企有大量ouzo... 係宙斯先生比我哋嘅!

40% ... 我都唔知應該加幾多, 朋友仔話落一枝!! 痴線架咩! 最後我妥協落咗一半! 原來綠茶同ouzo都幾夾架!

幾日假... 又打邊爐、又韓燒、又四川菜、又燒鵝、加其他聖誕大餐, 再加大量酒精及唔夠瞓... 食到出疹耶!!

睇醫生... 呢度d醫生唔興開藥嘅, 話d virus自己會散喎! 唯有自己幫自己!! 所有我識可以排毒嘅嘢都整晒..

仲跟blog友魚整咗酉蘭花湯 ... 好味!!

諗住清清哋食吓菇... 2粒盛惠€4.8 ... 乜都貴耶!

d疹都仲未散晒... 睇嚟仲要繼續排毒!!