Q

去完英國返嚟... A小姐走咗! 連德文班都完埋, 無咗呀Maggie Q d煩嘢, 有d失落添!
Maggie Q 喺我哋班入面太重要! 試過有一日佢遲到, 每個同學仔一入嚟就問"where's maggie?" 大家由避開佢變咗好鍾意揾佢嚟玩, 不過呀Maggie Q 好enjoy架! 覺得自己好受歡迎架!! 呀Maggie Q每見一個人入班房都會大叫嗰個人個名,之後拍手 (好似海獅咁!) 全班人都好鍾意扮返佢.. 佢又會" yes ... Maggie.. hahaha " 之後又拍手! sorry講句, 好似傻嘅咁!
佢真係好鍾意大叫, 無輪miss講緊嘢, 同學仔讀緊嘢, 佢都會大聲一齊跟住讀! miss不斷佢, 佢唔理架! 全班淨晒做exercise, 佢都會突然大聲讀一次嗰日學嗰d字!
有日佢又比人玩! 呀maggieQ不斷煩每個人問佢哋咩生肖! 開頭無人理佢, 佢講自己係monkey , 都無人理佢, 佢就無端端扮馬騮...又叫又跳! 之後個個叫佢講晒12生肖, 所有英文字都話唔明, 咁佢又扮豬又扮狗, 做晒12生肖!
之前佢帶咗部電腦辭典返嚟, d鬼無人見過, 個個爭住攞嚟玩,佢幾威呀!

班中有一法藉黑人男同學, 有一日學顏色, 一學到黑色, 佢就大叫指住呀黑人同學! 之後又話佢應該係啡色.... 最無耐其他人同佢一齊研究黑色定啡色, 嚇到miss死, 呀男同學超無耐!
Maggie Q d廣東話用字同我有d分別, 好鍾意問我幾時"爛" ?! 我問:" 你意思係返香港?" Q: " 係呀! 你仲唔爛?" 我: " 你爛先啦!"
有時好似講粗口咁!
Q: "佢老母佢初一唔得閒..... 佢老母佢好煩"
我: "你奶奶呀?"
Q: "佢老母囉!"

佢都好有心! 見我最後個幾星期無返學, email 我喎:
" I wish you a great weekend and enjoy life!It is really great to have you in the German class! You are so cool! "
再見啦Maggie Q ! 原本想post你張相, 都係唔好咁衰!




最後一日放學嘅天空.... 紫色好靚呀!
( 原色嚟架! 無做手腳架!)