春運

回到1月26號星期三...

放學返屋企都未有時間講呀Maggie Q新笑話, 一入屋朋友仔就叫我執行李, 話聽朝去英國! 咁急? 嚇我一跳以為有咩事! 原來只係佢返返吓工悶, 就無端端想回家探親! 咁都得! 我話d大陸人春運趕回家無咁趕喎!!

A小姐星期日就返美國, 突然同唔到佢farewell, 佢唔開心呀!

兩老為咗幫手湊孫, 上年由一個佢哋住咗幾代人嘅地方, 搬咗去一個好細好細嘅town仔, 呀哥叫到, 佢哋無得推, 每一次見佢哋都話唔鍾意嗰新town,又掛住d識咗成世嘅朋友,真慘!

town仔細到無嘢好做, 早上11點pub都坐滿晒人! 我哋就飲足一個星期, 可憐我晚晚都要陪呀奶奶飲紅酒, 每晚起碼飲2枝, 即喺一人一枝!

睇舊相, 呀奶奶嗰呀婆係190X年都已經去pub架啦! 我諗中國女人當年應該連街都少出 .... 同埋190X年有相機成日影相, 都好勁啫! 佢哋好似我哋依家用digital咁, 乜都亂影架喎!

全家都有呀great grandmother嘅遺傳...第一晚已經清晒lu...

最好笑佢哋為咗我買"亞洲嘢"! 但其實我唔飲呢d啤酒架!

最後都無人掂過呢幾枝嘢...

鍾意呢個袋...

即刻去買番幾個... 但其實我都無用...依家擺係度都唔知做乜!

去supermarket係唯一娛樂! 以前覺得Tesco 啲嘢唔掂, 但同慕尼黑比, Tesco係天堂!

最普通嘅嘢慕尼黑都無...

好耐好耐無飲過啦!

黑加倫子糖都係... 我要慳住食架!

好耐之前喺呀魚blog友度見過, 我終於有得試啦! 呀老爺見我買埋d咁嘢, 以為我痴線架!

我懷念的....

已過去的...

唔知佢哋會唔會買呀仔嗰d呢?

港女scrabble大戰3個自稱知識份子... 港女勝!!

今次真係兔喜揚眉啦!

仲有聖誕禮物收....

原本聖誕返去嘅機cancel咗... 新年無利是但有禮物都唔錯!!

最好就係做足一星期大爺! 一瞓醒有English breakfast! 乜都唔駛做... 連想飲杯水都唔駛自己去...

不過正如呀Pandora所講... 每次我話飲暖水, 就會有人覺得怪, 之後問10次係咪要茶?! 乜真係咁怪咩?