羅馬ｏFellini

我鍾意Federico Fellini !

朋友仔話揾酒店嘅時侯, 一見喺Trevi Fountain (許願池) 附近有間叫Fellini , 即book!

(呢張相係網上揾嘅)
雖然應該同Fellini無乜關係, 但周圍都掛滿晒佢嘅電影posters!

幾層樓都掛滿晒...

其實呢間B&B都幾OK, 雖然唔係咩大酒店, 但房間幾大又超乾淨! 最重要好多景點例如Spanish Steps都係walking distance! 過條馬路行前少少就係Trevi Fountain ...

每日都會行過好多次, 無論幾多點都多人到痴線! 試過朝早7點落去想試吓影張全景, 都已經幾車旅行團! 夜晚更加越夜越多人! 要影一張無人頭嘅全景相係無可能嘅... 又係要左cut右cut.. 返到嚟好想睇套Fellini嘅戲, 但屋企無, 唯有睇《 NINE》 頂住先!

之前路過2個blog睇到"影評" , 一個就鬧話"拍到咁長無結局唔知講乜" ! 一個話喺 "Rob Marshall把《8 部半》變成一齣歌舞片 .... Chicago 出色乃是因為它本身就是百老匯歌舞劇, Rob Marshall 把它改成電影都至少有個譜...... "!
雖然《 NINE》 都真係好一般, 但依佢所講, 只要Rob Marshall拍"本身就是百老匯歌舞劇"就會好"出色"! 咁如果佢知道其實《 NINE》 係八幾年嘅"百老匯歌舞劇" ,而唔係Rob Marshall自己改編嘅, 佢會唔會突然覺得好好睇呢?? 另一個如果連《 NINE》 咁簡單嘅商業愛情歌舞片都睇唔明唔知講乜, 其實係咪唔好扮影評呢?