萊茵河 ｏ Rudesheim am Rhein

喺Aschaffenburg行完嗰market就搭火車到萊因河畔嘅葡萄小鎮Rüdesheim...
一出火車站就見到葡萄園+纜車, 好美啊!

沿住萊茵河, Rüdesheim嘅土壤同天氣得天獨厚, 喺德國最出名嘅白酒產地, 好似無見過人飲紅酒!

我覺得好"赤柱" ....

成個鎮最旺嘅地方 - Drosselgasse, 夜晚食飯時間會突然變咗尖東海洋皇宮大酒樓 ....

每間餐廳都有live band唱英文老歌, 加大量老人家跳舞!
(網上圖片)

右邊d樹好卡通片....

咁啱有婚禮進行中, 睇完英國大婚, 知道會坐底聽神父講嘢......

葡萄小鎮, 連d雕像都 : "飲杯!!"

"重頭戲"喺必定要上山睇風景, 當然又係可以坐觀光火車、馬車同行啦!
坐cable car都有2種選擇, 第一當然係普通來回 (€5.5/人), 第二種係Ring ticket , 由Rüdesheim 搭纜車上山, 行去西邊搭乘另一架纜車到小鎮Assmannshausen, 再搭船返Rüdesheim (€11/人)

纜車站隔離有Rothenburg間聖誕裝飾店...

纜車站入面等上車, 有得買香檳上車飲, 20cl盛惠€6!!! 痴線!!!!

喺纜車上面見到齊齊整整嘅葡萄園....

去到山頂啦!!!

Neiderwalddenkmal 日耳曼女神紀念碑....

紀念1871年普法戰爭勝利而建, 係新德意志帝國統一嘅象徵...

原來天使都畏高架!! 有帶安全帶架!!

長頸鹿人呀!!!!

原本我哋都諗住行落山, 點知坐底咗飲幾杯, 又熱, 都係坐番纜車!

落咗山周圍行, 比我見到佢哋!! 我話係我至愛嘅可樂樽+長頸鹿, 朋友仔就好無癮咁踢爆係酒樽...

又係另一個好舒服嘅地方, 同胞仲未侵略到, 只見日本人, 要去快d去!!!