萊茵河 ｏ 暴風女神Loreley

萊茵河自中世紀開始, 係重要嘅貨物運輸、交易路線, 由皇帝到沿岸地主都打生打死, 爭住起城堡, 霸住河畔嘅主權, 以徵收通行稅, 形成今日萊茵河畔一座又一座嘅碉堡!

遊萊茵河當然要坐船啦! 原本plan咗由Rüdesheim一直坐到去科隆(全程大概8小時), 但嗰日係英超最後一日, 要係4點前去到科隆睇波, 所以只搭去Koblenz! (4個多小時)

Rüdesheim到Koblenz大約60公里, 就有32座城堡! 而呢段萊茵河+城堡+葡萄園, 就被UNESCO到入世界自然遺產!

酒店喺正碼頭對面, 好方便!

Köln-Düsseldorfer Deutsche Rheinschiffahrt (KD) 每日都有船由不同地點出發遊萊茵河, 上面第一張地圖就係KD會停嘅站....

www.k-d.de/english/home/

船上有Subway, 唔會餓親! 仲有2間餐廳....

自己擔櫈仔坐, 嗰日隻船, 船尾全部日本人, 女仕又長袖衫, 又帽又開遮, 手襪都有.... 一定唔會曬黑!

船頭就全部法國人, 個個小背心, 迫晒係有太陽曬到嘅位!!

我同朋友仔就2個人坐晒係船頭有頂遮陰嘅哋方, 無人同我哋迫! 啱晒我!

呢2位中學生, 全程不斷錫, 又摷晒咁 , 右面紅色背心嗰個用妒忌嘅眼光一路偷望, 最後我諗有人報串, 突然老師唔知邊道走過嚟, 要佢哋分開坐!

真係成間Subway喎! 不過無乜人幫襯.....

超多日本遊客, 連呢位水吧大哥都識講日文架!!!!!

沿途經過城堡, 都會有德、英、法、日文同國語講解...

我一句都唔記得!

淨係記得呢個城堡係德國城堡協會總部.....

同呢個喺河中心嘅白色城堡係當年嘅關口, 要喺度比咗錢先通得過....

去到呢個位, 全船嘩聲四起! 我唔知咩事, 影咗先算!

又見個個都zoom埋去影, 我都唔知要zoom去邊 , 跟住其他人相機方向....

原來係影佢呀!!!!

我諗得我同朋友仔聽完講解都唔知發生咩事!!!

啱啱從網上先揾到, 原來巨石叫Loreley, 好好好出名架!!! 係呢程船嘅重點嚟架!!!!!! 好多人上船就係為咗睇呢塊巨石同"女妖"!

『萊茵河到這裡時，河道開始收窄，

不遠處有七塊暗礁，稱為七處女，

因為暗礁之故，所以以前常發生船難。

傳說這裡有一個美麗動人、名叫羅勒萊(Loreley)的女妖，

時常坐在轉角的石巖上，唱著迷人的歌聲，

使往來的水手忘卻洶湧的波浪而翻船。』

好多詩、歌劇、同流行曲都用Loreley做背景! 我就淨係識校長首"暴風女神Loreley" ...

聽住d超長嘅講解X5種語言, 吹住風, 搖吓搖吓.... 實不相瞞, 我瞓咗大半程船!

所以城堡相片欠奉!!