第二件好事

上回講到09年9月朋友仔父母嚟咗慕尼黑玩.....
呢一星期傾埋好多計, 令我知道佢哋把口就話唔似我哋中國人咁鍾意d仔痴住, 但其實好想成日都見到d仔! 仲比我知道原來十幾年無試過一家人一齊過聖誕! 問朋友仔上次見到d呀哥係幾時? 佢話應該係95年, 佢連d呀哥做咩、住係邊都唔知! 對我嚟講實在太怪!
咁我就提議聖誕節不如搞個gathering啦!其實每年佢哋幾個都會聖誕期間返去, 只係唔同日子, 兩老開頭話impossible ... 但第2日又提..又話impossible ... 又提.... 講足幾日!! 擺明玩嘢!
我話其實易到不得了啦! 兩老搬咗去大哥屋企對面, 即大哥OK! 朋友仔又anytime 都得... 即係其實只要打2個電話! 佢哋繼續不斷話impossible, 咁我就話不如等朋友仔打呢2個電話啦! 佢哋當然又扮晒嘢話唔駛, 點知一返到英國當晚就打咗 ... 而2個哥哥又話ok!
就係咁... 因為我多事加上睇穿兩老口不對心, 再鍥而不捨咁要佢哋打呢2個電話! 佢哋一家人終於自95年嚟, 係2009年第一次重聚!!! 一家人十幾年無見, 有外人喺度會傾得唔暢快, 所以我無去呀!
兩老開心到不得了! 呢家人從來唔會買聖誕禮物比大家, 但我就有!

我一屋都係長頸鹿, 真係盲嘅都知我鍾意!!! 條頸巾雖然我唔啱用, 但都超鍾意! 因為係我一步一步同兩老破冰嘅戰利品!