3件好事

原本想寫比小Nel睇我家老爺d勁嘢, 但近來比d奄悶人搞到我都悶悶不樂, 都係寫d正面嘢!
朋友仔嘅父母其實我只係見過5次, 但我對佢一家人就已經做過3次好事嘞! hmm.. 應該話係幫奶奶完成咗3個願望!
兩老有4個仔, 4個都自大學(即起碼十幾廿年前)就搬晒出去, 依家4個都住係不同城市/國家! 傾計時奶奶話過去十幾廿年嚟, 從來都唔知d仔嘅生活狀況, 亦無人邀請過佢哋去探訪吓﹔ d仔大咗之後又未試過一齊去旅行, 每次見都喺屋企! 而兩老每年去旅行, 過去二十年, 都只係會去希臘同意大利, 其實奶奶想去其他地方,但老爺大人唔肯!
第一件好事
我哋一喺慕尼黑settle咗, 我就同朋友仔講, 叫佢邀請兩老過嚟探我哋! 開頭朋友仔話唔駛, 話請佢哋都唔會嚟, 我就話問吓無蝕底啦! 如我所料... 一問呀奶奶9秒9話好!!!!!! 於是就係09年8月尾嚟咗慕尼黑過生日嘞!
其實呢一次旅行已經達成咗奶奶多個願望:
1.去希臘同意大利以外地方旅行,
2.呀仔邀請佢去探仔, 知呀仔住d咩地方,係邊返工,
3. 十幾年無同過呀仔一齊慶祝生日,
4. 第一次同呀仔打機, 應該都係佢哋第一次打機, 玩到停唔到呀!
老爺大人係名正言順嘅grumpy old man , 我幫佢整咗咁....

其實勁似佢!
不過佢當然唔鍾意啦! 自己搞咗個咁嘅怪樣...

呢個trip係我第3次見佢哋, 之前2次見都係喺佢哋屋企stay一晚, 加上佢哋無接觸過亞洲人, 所以好生保! 但經過呢一星期好intensive咁24小時對住之後... 感覺到突然對我呢個外星人唔同晒!




突然好眼瞓 .... 聽日再寫!