家常便飯

每次同荷蘭人傾計，
都會問邊度有好嘢食，
點知每個都介紹我去食中菜！o_O
再問去邊度可以食荷蘭菜呢？
佢哋就話荷蘭人嘅食物太普通，
無人會比錢出街食，
只會喺屋企煮！

上星期認識了一位廚師，
我當然又問啦！
佢竟然話去佢屋企煮比我食 !

原來真的是好簡單…
芝士焗菊苣、酸菜薯蓉+香腸 。
佢一邊煮一邊解釋他對材料、做法的執著，
又好似一啲都唔簡單！

廚師朋友同時係品酒師，
可以飲到他的珍藏實在太幸福喇！
飲咗3枝，
經佢解釋完好似特別好飲咁！

最後仲有白朱古力綠茶心太軟，
十分完美的家常便飯!