Düsseldorf ｏ 啤酒

Düsseldorf嘅舊城區地方小, 但就有超過260間餐廳同酒館,所以有"the longest bar in the world"呢個稱號! 有得呢個名, 啤酒當然唔可以失禮人啦!
Altbier (old beer)係Düsseldorf出產嘅啤酒, 味道及做法同一般嘅德國啤酒唔同, 近似英國的pale ale, 即係好嘢!!!
Düsseldorf 有4大brewpubs:
最古老嘅係Schumacher .... 係火車站附近!
星期一早上10點幾行街路過, 唔expect開咗門, 點知入面已經坐滿人lu!

由1838開業到依家, 都只賣一種啤酒, 唔駛揀!

Schlüssel 係正舊城區嘅中心位置.... 點解人人都唔駛返工, 一早係度飲啤酒??

同科隆一樣, 每杯都只係細細杯!

Uerige .... 歷史可以追溯到1600年, 絕對係老字號!
應該亦係最受歡迎, 舖入面坐滿人, 連成條街2邊都坐滿晒! 當時係星期一下晝....

呢杯苦苦嘅, 唔啱我飲! 於是一啖過清咗佢, 點知呀waiter哥哥快過我, 立即又換上一杯新嘅! 我唔知原來呢度都有"自動更新"服務, 之後我一邊飲一邊拎住個杯墊!!

Füchschen .... 1848年開業到依家, 聽講d嘢食都ok!

上次有blog友問係咪免費"更新", 德國人又邊會咁闊佬呢?! 每次都會係杯墊上mark底!

待續.....