德文班3儍 - A小姐

今次唔關歧視事, 係搞笑!
大家都係多倫多人, 第一日已經同A小姐好好傾! 一開始覺得A小姐超型, 因為佢係一位為太空人做嘢嘅科學家, 仲要跆拳道黑帶, 型!!
但科學叻....學語言就錯哂啦!
有日學睇餐牌, 有同學問咩係Ei ....
呀sir : Ei係蛋 ...
同學: 眾數呢?
呀sir : Eier
A小姐: 吓??
呀sir又repeat : Ei係蛋, 眾數係Eier
A小姐: 眾數唔係Eis ?
呀sir : Eis 係雪糕
A小姐: 但你話Ei係蛋... 眾數係Eis 呀!
L小姐: 依家唔係學英文呀!!!
如是者.... 呀sir再repeat多N次,所有同學一人一句.... A小姐終於明!

有一堂講細個時嘅"我的志願".. A小姐嘅志願竟然係.....

....... 忍者!!!

A小姐絕對係我喺慕尼黑嘅最好朋友!! 每個星期我哋都一齊party, 一齊睇dvd、煲劇,仲可以一齊講男仔!!! A小姐好受歡迎架! 每個星期都有新男友! 而且仲有一個好迷戀佢嘅宙斯先生!! 宙斯先生係德國出生長大嘅希臘人,但佢成日同我哋一齊笑d 德國人, 又成日教我哋講衰嘢, 依家我同A小姐可以流利用德文/希臘文鬧人架!!
星期六A小姐突然比我壞消息, A小姐嚟咗慕尼黑2年多, 一直都好唔鍾意呢度, 尤其係德國人, 所以佢決定要走啦! 仲已經遲埋職, 2月尾就飛啦! 咁我點算呀??!!